चिनियाँ राष्ट्रपति सी चिनफिङले केरुङ–रसुवा सीमाक्षेत्रमा आएको भीषण विपद्बाट भएको मानवीय तथा भौतिक क्षतिप्रति गहिरो दुःख व्यक्त गर्दै नेपालको उद्धार प्रयासमा सक्रिय सहयोग र क्षमताअनुसार आवश्यक सहायता उपलब्ध गराउने प्रतिबद्धता जनाएका छन्।
चीनतर्फ थुनिएर बनेको ताल फुटेको सूचना प्राप्त भएपछि भोटेकोशी र त्रिशूली नदीका तटीय क्षेत्रमा उच्च सतर्कता अपनाउन प्रशासनले आग्रह गरेको छ।
भोटेकोशीको माथिल्लो क्षेत्रमा पहिरो र गेग्रानले नदी थुनिएर बनेको प्राकृतिक तालमा पानी निरन्तर बढिरहेको छ। तालको अवरोध फुटेमा भोटेकोशी–त्रिशूली नदीमा पुनः आकस्मिक ठूलो बाढी आउन सक्ने भन्दै चीनबाट प्राप्त सूचनाका आधारमा नेपाल सरकारले तटीय क्षेत्रका बासिन्दालाई तत्काल सुरक्षित स्थानमा जान आग्रह गरेको छ।
अमेरिकी सरकारले नेपालको विनाशकारी बाढीबाट प्रभावित नागरिकका लागि पाँच लाख अमेरिकी डलर बराबरको आपत्कालीन मानवीय सहायता उपलब्ध गराउने घोषणा गरेको छ।
नेपाल–चीन सीमाक्षेत्रबाट सुरु भएको विनाशकारी बाढीले रसुवासहित त्रिशूली नदीको तल्लो तटीय क्षेत्रका विभिन्न जिल्लामा ठूलो मानवीय तथा भौतिक क्षति पुर्याएको छ। बिहीबार बिहानसम्म १६२ जनाको शव फेला परेको छ भने सयौँ नेपाली, विदेशी पर्यटक, सुरक्षाकर्मी र कर्मचारी अझै सम्पर्कविहीन छन्।
चीनको तिब्बत क्षेत्रमा परेको भीषण वर्षापछि भोटेकोशी हुँदै त्रिशूली नदीमा पानीको बहाव अस्वाभाविक रूपमा बढेको छ। बहाव घट्दो क्रममा रहे पनि जोखिम कायमै रहेकाले रसुवा, नुवाकोट र धादिङका नदी तटीय क्षेत्रका बासिन्दालाई उच्च सतर्कता अपनाउन प्रशासनले आग्रह गरेको छ।
