रुसको साइबेरियास्थित इर्कुत्स्क क्षेत्रमा प्लेगसम्बन्धी अनुसन्धान गर्ने संस्थाकी एक कर्मचारीको मृत्युपछि सम्भावित pneumonic plague को विषयलाई लिएर अन्तर्राष्ट्रिय चासो बढेको छ।
इर्कुत्स्क Anti-Plague Research Institute मा कार्यरत २८ वर्षीया Darya Shipilova निमोनियाबाट बिरामी परेपछि मृत्यु भएको हो। उनको मृत्युको वास्तविक कारणबारे अनुसन्धान जारी छ। रुसी स्वास्थ्य अधिकारीहरूले अहिलेसम्म प्रयोगशालामा प्लेग ब्याक्टेरिया चुहिएको वा उनको मृत्यु प्लेगकै कारण भएको पुष्टि गर्ने प्रमाण नभेटिएको बताएका छन्।
सावधानीस्वरूप उनीसँग सम्पर्कमा आएका करिब २०० व्यक्तिलाई स्वास्थ्य निगरानीमा राखिएको छ। अस्पतालका केही क्षेत्रसमेत नियन्त्रणमा राखिएको छ। अहिलेसम्म अनुसन्धान संस्थाका अन्य कर्मचारीमा नयाँ प्लेग संक्रमण पुष्टि भएको छैन। विश्व स्वास्थ्य संगठनले उपलब्ध प्रारम्भिक सूचनाका आधारमा सार्वजनिक स्वास्थ्य जोखिम कम रहेको मूल्यांकन गरेको Reuters ले जनाएको छ।
यस घटनापछि अमेरिकी राष्ट्रपति डोनाल्ड ट्रम्पले रुसलाई आवश्यक सहयोग उपलब्ध गराउन अमेरिका तयार रहेको बताएका छन्। अमेरिकी अधिकारीहरूले पनि परिस्थितिलाई नजिकबाट हेरिरहेको बताएका छन्।
Pneumonic plague भनेको Yersinia pestis ब्याक्टेरियाले फोक्सोमा गर्ने गम्भीर संक्रमण हो। संक्रमित व्यक्तिबाट श्वासप्रश्वासका कणमार्फत अर्को व्यक्तिमा सर्न सक्ने भए पनि समयमै पहिचान गरेर antibiotics प्रयोग गरे उपचार प्रभावकारी हुनसक्ने WHO बताउँछ।
