🌐
ह्युस्टन, टेक्सास — फिफा विश्वकप २०२६ अन्तर्गत समूह चरणको महत्वपूर्ण खेलमा पोर्तुगलले उज्बेकिस्तानलाई ५–० को फराकिलो अन्तरले पराजित गर्दै प्रतियोगितामा प्रभावशाली पुनरागमन गरेको छ। पहिलो खेलमा अपेक्षाअनुसार प्रदर्शन गर्न नसकेको पोर्तुगलले कप्तान क्रिस्टियानो रोनाल्डोको उत्कृष्ट प्रदर्शनमा सहज जित हात पार्यो।
खेलको छैटौँ मिनेटमै रोनाल्डोले गोल गर्दै पोर्तुगललाई सुरुआती अग्रता दिलाएका थिए। त्यसपछि १७औँ मिनेटमा नुनो मेन्डेसले उत्कृष्ट गोल गर्दै अग्रता दोब्बर बनाए। पहिलो हाफको ३९औँ मिनेटमा रोनाल्डोले व्यक्तिगत दोस्रो गोल गर्दै पोर्तुगललाई ३–० को बलियो अवस्थामा पुर्याए।
दोस्रो हाफमा उज्बेकिस्तानका गोलकिपर उट्किर युसुपोभ नेमाटोभबाट आत्मघाती गोल भएपछि पोर्तुगलले आफ्नो अग्रता थप फराकिलो बनायो। खेलको ८७औँ मिनेटमा राफाएल लियाओले गोल थप्दै पोर्तुगलको ५–० को शानदार जित सुनिश्चित गरे।
यस खेलमा दुई गोल गरेका ४१ वर्षीय रोनाल्डोले अर्को ऐतिहासिक कीर्तिमान पनि आफ्नो नाममा लेखाए। उनी विश्वकप इतिहासमा छ वटा फरक संस्करणमा गोल गर्ने पहिलो खेलाडी बनेका छन्। आलोचनाको सामना गरिरहेका पोर्चुगिज कप्तानले मैदानमै उत्कृष्ट प्रदर्शन गर्दै समर्थक र आलोचक दुवैलाई जवाफ दिएका छन्।
यो जितसँगै पोर्तुगलले समूह चरणमा महत्वपूर्ण तीन अंक जोड्दै नकआउट चरणको सम्भावना बलियो बनाएको छ।
गोल स्कोररहरू: ⚽ क्रिस्टियानो रोनाल्डो (६’) ⚽ नुनो मेन्डेस (१७’) ⚽ क्रिस्टियानो रोनाल्डो (३९’) ⚽ नेमाटोभ (आत्मघाती गोल, ६०’) ⚽ राफाएल लियाओ (८७’)
US Nepal Khabar FIFA World Cup 2026 Coverage 🇵🇹🔥
अर्जेन्टिनाका कप्तान लियोनेल मेस्सीले खेलपछि विपक्षी गोलरक्षक मोइजनेल मानेलाई अँगालो हाल्दै हौसला दिने शब्द बोलेर फेरि एकपटक आफ्नो विनम्रता र खेलभावना प्रस्तुत गरेका छन्। उनले जर्सी साट्ने वाचा पनि पूरा गरेपछि यो भावुक क्षण सामाजिक सञ्जालमा भाइरल बनेको छ। मेस्सीको यो व्यवहारले उनी मैदानभित्र मात्र होइन, मैदानबाहिर पनि महान व्यक्तित्व भएको सन्देश दिएको छ।
न्यूयोर्क निक्सले ५३ वर्षपछि एनबीए उपाधि जित्दै आफ्नो इतिहासको तेस्रो च्याम्पियनशिप हात पारेको छ। सान एन्टोनियो स्पर्सलाई एनबीए फाइनलको पाँचौं खेलमा पराजित गरेपछि न्यूयोर्कभर हजारौं समर्थक उत्सवमा उत्रिएका थिए। तर उत्सवका क्रममा गोलीकाण्ड, आगजनी, तोडफोड र प्रहरीसँग झडपका घटनासमेत भएका छन्।
Summary: फिफा विश्वकप २०२६ को पहिलो खेलमै आयोजक अमेरिकाले पाराग्वेलाई ४–१ ले पराजित गर्दै दमदार सुरुवात गरेको छ। फोलारिन बालोगुनले दुई गोल गर्दा, जियो रेइनाले अन्तिम समयमा उत्कृष्ट गोल थपे।